ლარის კურსის ამბავი

 ლარის კურსი გაუფასურდა. დოლართან მიმართებით ისე დაეცა, რომ ცენზურის დარღვევის გარეშე შეუძლებელია სიტუაცია აღწერო. საქართველოს ეროვნული ბანკის (ორდონიან საბანკო სისტემაში, პირველ დონეზე მდგომი და საბანკო სისტემის მაკონტროლებელი... არა მარტო...) საიტზე შეგიძლიათ იხილოთ 21/02/2015-ისათვის კურსი 1 GEL = 2.1771 USD .
 სათქმელის მაქსიმალურად შემოკლება მიყვარს და ამიტომ ამ ტრადიციას არც არ შემთხვევაში დავარღვევ. რა თქმა უნდა მნიშვნელოვანია და ფაქტია პრობლემის წინაშე ვდგავართ, რაღაც უნდა ვიღონოთ რათა შემდგომში სიტუაციის რეგულირება შევძლოთ და სავალუტო სტრესი მძიმე დეპრესიაში არ გადავზარდოთ, მაგრამ არსებობს ერთი მაგრამ...
 ქართველობა როგორც ჩანს საკმაოდ მრავალპროფილური განათლებით გამოირჩევა და მისთვის არ არის რთული დასკვნები გააკეთოს როგორც სამედიცინო სფეროში მიმდინარე ცვლილებებზე ასევე ეკონომიკურ ციკლში მიმდინარე პროცესებზე და ამას ერთნაირი "სიძლიერით" ახერხებს. ყველა მეორე ვისაც სურს ექსპერტულ დონეზე, საკუთარ ტონში და სიტყვებში მტკიცედ დარწმუნებული აცხადებს "წინ გველოდება გარდაუვალი კატასტროფა და ეს ქართული ვალუტის, ლარის დასასრულის დასაწყისია"
 რა თქმა უნდა ყველას აქვს უფლება წეროს და ილაპარაკოს იმაზე რაზედაც სურს თუმცა რეკომენდაციის სახით მაქვს მოსაზრება, რომელიც შეიძლება სავსებით სუბიექტურია, მაგრამ თავს მოვალედ ვთვლი ამის შესახებ დავწერო. პანიკას არასდროს არცერთი სიტუაციიდან არ უპოვია გამოსავალი, მეტიც იგი არასდროს ყოფილა ოდნავი დამხმარეც კი წინააღმდეგობების გადალახვისას და თუ ვისაუბრებთ მისი, როგორც ფაქტორის შესახებ მხოლოდ და მხოლოდ ნეგატიური ასპექტით შესაძლებელია მისი გამოყოფა.
 ზემოთ ხსენებულიდან გამომდინარე სამომავლო დასკვნების გაკეთება მავანთათვის მიმინდვია, მე კი პოზიტიური მომავლის მჯერა და ვიმედოვნებ სიტუაციის დასტაბილურებას რა თქმა უნდა ჩვენდა სასარგებლოდ.
 დაე ღმერთი იყოს სრულიად საქართველოს მფარველი ამ განსაცდელის ჟამს.

უძილობა და უაზრობა

 ქალაქური საღამო ჩამოწვა გარეთ. ოთახში მსუბუქი თუმცა ენერგიული მელოდია ჟღერს. სასიამოვნოდ ირეკლება ფანჯრებზე განათება. ასეთი გარემო ხელს გიწყობს, რომ იფიქრო და დროს აქვს კიდევ მნიშვნელობა. როდესაც ღამის 1-ელ საათზე გღვიძავს არაფერი დაგრჩენია აზროვნების და ფიქრის მეტი.
 ჩემი ქვეყანა ძალიან უცნაურია და განსხვავდება სხვა ქვეყნებიდან როგორც ფენომენი. აქ ერთდროულად უყვართ და სძულთ დასავლური ღირებულებები. სუფრა ცალკე ავტონომიაა და სხვათა შორის კანონებზე მეტად მის ტრადიციულ გამოძახილებს იცავენ.
 შარლი ? წარმოდგენა არ მაქვს ვინ, როგორ და რანაირად, უბრალოდ facebook-ის სივრცე აივსო ჩემთვის უცნაური ფრაზით "დღეს მეც შარლი ვარ". ზოგჯერ ასეთ მოვლენებთან მიმართებით ნულოვანი ინტერესი გამიჩნდება ხოლმე და თავსაც არ ვიწუხებ მოვიძიო ინფორმაცია, რამეთუ ყველა სხვამ იცის და მე რატომ ვიტკიო თავი?!
 კიდევ ვიღაც ჩამოყავთ. თუ ჩემი მეგობარი სწორად წერს თავის ვირტუალურ კედელზე ეს ალენ დელონია ფრანგული კინო ლეგენდა. მე ვფიქრობ ისიც სარწმუნოა მაგას "მაპი" აქვს თან წამოღებული და ევროკავშირთან ასოცირებაც მაგის გაჩალიჩებულია. ახლა მოვიწვიეთ კიდევ მეტისთვის. (მეტი კიდევ ზოგადი ცნებაა)
 ლოგიკური კავშირები ჩვენთან არ უნდა ეძებოთ. აქ ყველაფერი სპონტანურია და ნაკლებ რაციონალური. რაციონალიზმიც, როგორც ასეთი სადღაც კუთხეში მიყუჟულია და სხვა უფრო მნიშვნელოვანი რაღაცაების მიერ იჯირყვნება თუ იჭირხვნება.
 მიჯირყვნა კიდევ საიდან მოიგონეს ეგ ხომ საერთოდ მაგდებს კალაპოტიდან. არ აპატიეს იმ ზებრათ მომშენებელს. ძნელი უნდა იყოს ამოდენა ფულის დაგროვება, თუმცა ამოდენა ხალხის "დაბოლება" საკმაოდ მარტივია, როგორც აღმოჩნდა.
 სად ვიყავით და სად მივედით ან მივდივართ თუ რას ვაკეთებთ? ვუყურე ინტერვიუს აძლევდა ერთი საკმაოდ ასაკოვანი ადამიანი, ნაპარლამენტარი და მეწყინა გულწრფელად ის რატომ მოხვდა იქ სადაც მოხვდა თქო, მაგრამ აქაც ის ამბავია რასაც ვიმსახურებთ.
 ერთი სიტყვით არ უნდა მოიკლო ძილი!